| News |

UNSER KIRCHTAGSPROGRAMM 2022

Zur besseren Ansicht hier PLAKAT als PDF herunterladen

SHUTTLEPLAN FÜR SAMSTAG DEN 17. SEPTEMBER 2022

Zur besseren Ansicht SHUTTLEPLAN 2022 hier als PDF herunterladen

♥ PÖCKAUA KIRCHTOG 2021 ♥

Im Septemba 2021 da Pöckauer-Kirchtog wor,
a nit wia sunst, jo des is klor.
Vüle Bestimmungan von da Behörde hot´s geb´n,
do hot sich schon fost kanna mehr ausgekonn´t, so is es eb´n.

Es wor vieles ondas, vom Vaonstoltungsplotz bis zum Stand´l,
man is sich schon fost fuakumman, wia in an ondan Land´l.

Da Tonzbod´n is g´stond´n schon fost auf das Stroß´n,
man hot beim Tonz´n aufpass´n miaß´n, auf sei Nos´n.
A por hob´n schon den Wind g´spiart, in senare Hoar.
so knopp sein die Autos und Busse vorbeigfoar´n, jo wirklich wohr.

Übaroll wo hin´gschaut host, hots Security geb´n,
i glab, amol is bei mir sogor, am WC ana g´stond´n, glei daneben.
Man hot sich noch nia so sicha g´füllt,
obwohl i sog´n muaß, ana hot dreing´schaut, gonz wüld.
Spaß bei Seit´n, dos hot wohl sein mias´n,
sunst het ma bei an Vagehn kennan, a Strof obbias´n.

Man muaß es wol klor und a deitlich sog´n
a im heirig´n Johr wohr´s nit leicht an Kirchtog auszutrog´n.
Von unsare Mädl´s und Bursch´n, kema gonz vül holt´n,
den a heia, hob´n sie dos Brauchtum aufrecht erholt´n.

Olle Paarlan hob´n klass Getonz´t und die Reita san beim Kuafnstech´n supa Gritt´n,
es is a biss´l graft wuar´n und a biss´l g´stritt´n,
du konnst an richtig´n Kirchtog holt vagess´n,
wenn des nit ols, a so war gwes´n.

Durch die gonz´n Umständ, durch die Corona-Pandemie,
wor da Kichtog heia, so wia noch nie.
Da Ledig´n- u. Verheiratet´n-Zechmasta, hot sich miaß´n fest plog´n,
und für dos, mecht´n wir olle, von Herz´n, donkschen sog´n.

Hoffen wir, für nächstes Johr,
dos olles wieda sein wird, wir´s amol wohr,
zumindest, dos es a biss´l leichta kumm´t,
und uns oll´n vor lauta Bestimmungan, nit da Sched´l brummt.

PTM

Liabe Leitl´n!

Dås Jåhr 2020 is´ a åndars Jåhr,
nix is´ wia sunst, jå dås is´ wohl wåhr.

Drum homma uns ibarlegt und a gedåcht,
wonn a ka åndre Burschenschåft an Kirchtåg måcht,
dånn hålt ma zåm und måch´n heia,
a kan Kirchtåg und ka Feia.

Den Kirchtåg im Gailtål håt jeda fiar sich wohl im Sinn
und im Herz´n a eiganes Platzle fiar ihn drin.
Is´ wia a fünfte Jåhreszeit in jeda Urtschåft im Tål,
fiar jed´n Gailtåla und a fiar de Leit, dei kuman von ibaråll.

Heia is´ hålt åll´s gånz åndars, då kånn ma nix måchn,
åba nächstes Jåhr, då låss´ ma´s wieda so richtig kråch´n.
Drum bleibt´s ålle froh und a schean g´sund,
nächstes Jåhr segma uns wieda und dånn geaht’s åba rund.

An herzlich´n Gruaß ån Månn und Frau,
es griaßt eich ålle, de Burschenschåft-Pöckau.

September 2020
PTM